De La Salle University Publishing House (DLSUPH)

Ang Siyudad ng Mall: Ang Bakod, Bukod at Buklod bilang Espasyo at Biswal mula Tabuan hanggang SM City North Edsa

Author: Elizabeth Morales-Nuncio

Published and distributed by:
De La Salle University (DLSU) Publishing House, 2012
ISBN 978-971-555-555-5
206 pages

Book Description

Inuugnay ng pag-aaral na ito ang kasaysayan at paglitaw ng tabuan, parian, Binondo at Escolta sa kasalukuyang penomenon ng malling. Kung ang tabuan ang prototype ng pamilihan, ang Escolta naman —ang kahabaan ng kalsada nito—ang prototype ng mall sa ating bansa. Binagtas ito gamit ang dalumat ng bukod-bakod-buklod upang sipatin ang siyudad ng mall bilang lunsaran ng makabagong espasyo ng pagkonsumo at bilang biswal ng paglikha ng kaakuhan ng mga konsumer. Ipinaliwanag ang sangkap ng pagiging tao’t konsumer sa loob ng mall batay sa uri, gender at lahi. Ang mall ang pinakabagong bitag o kulungan ng kababaihan ngayon. Kung saan nagtatapos ang hangganan ng mall, nakasalalay ito sa malay nating pag-iral sa loob ng siyudad at sa siyudad ng mall.

About the Author

Si Elizabeth Morales-Nuncio ay tapos ng PhD Philippine Studies mula sa Unibersidad ng Pilipinas-Diliman. Kasalukuyan siyang nagtuturo sa Malayan Colleges Laguna ng Filipino, Kasaysayan at Sosyolohiya. Katuwang na awtor siya ng Sangandiwa: Araling Filipino bilang Talastasang Pangkalinangan at Lapit-Pananaliksik (USTPH, 2004) at katuwang na nagsalin ng Cory sa Aking Pagkakilala (Anvil, 2010) at awtor ng Mga Talinghaga sa Laylayan: Ang Mapagpalayang Pedagohiya ng Malikhaing Pagsulat at Antolohiya ng mga tula ng bukalsining (USTPH, 2005).

Table of Contents

PASASALAMAT

  1. Ang Siyudad ng Mall sa Siyudad ng Pagbabakod,Pagbubukod, at Pagbubuklod
    Ang Bakod, Bukod, at Buklod bilang Dalumat
    Ang Kulturang Popular at Mall
  2. Ang Pagbubukod-Espasyo ng Pag-iral ng Palitan/Kalakalan/Pamilihan mula Tabuan hanggang Mall
    Sa Kalakalan Nagmula at Nagsimula
    Tabuan: Prototype ng Pamilihan
    Ang Pagbabakod sa Espasyo ng Palitan hanggang Pamilihan
    Parian bilang Segregasyon/Pagbubuklod sa mga Tsino
    Binondo: Sentro ng Komersiyalisasyon at Batis ng Kaunlaran sa Maynila
    Escolta: Ang Prototype ng Mall
    Ang Mall Bilang Espasyo ng Pamilihan sa Makabagong Panahon
  3. Ang Espasyo-Biswal na Pagbabakod ng Mall: Produksiyon at Pagkonsumo sa SM City North Edsa
    Ang Siyudad bilang Espasyo ng Produksiyon at Pagkonsumo
    Konsumeristang Lipunan
    Hulagway ng Kaayusan at Kaunlaran: Simulakrum ng Siyudad sa Mall
    Ang Pagbabakod ng Mall: Ekstensiyon ng Maraming Interseksiyon
    Ang Biswal na Konstruksiyon ng SM City North Edsa
  4. Pagbubuklod ng Lahi, Gender, at Uri sa Mall
    Ang Sangkap ng Pagiging Tao’t Konsumer sa Mall
    Uring Panlipunan sa Mall
    Imitasyon, Kompetisyon, at Distinksiyon ng mga Uri
    Ang Lahi at Nasyonalisasyon ng Mall
    Ang Usapin ng Gender sa Mall
    Ang Mall bilang Makabagong Bitag sa Kababaihan
  5. Saan Nagtatapos ang Hangganan ng Mall?
    Mga Ambag ng Pag-aaral
    Huli’t Muling Analisis: Buod at Paglalapat ng Argumento ng Pag-aaral

SANGGUNIAN
INDEKS